Zeuk Esan 116111 – 4 orrialdea

Boteiloia dela eta…

Inoiz izan ditugu, norbaiti edariarekin eskua joan ondorengo kuadrilakoen aholku deirik. Baina normalean, 116111ean, ez dugu botelloiarekin zerikusia duen deirik jasotzen.

Kontuak kontu, Zeuk Esan Zerbitzuko lankideok inoiz galdetu gara nola izango litzatekeen gai honi lotutako elkarrizketa tekefoniko bat gazte edota aita-ama batekin. Kontu horietan ibili eta gero, mahai gainean jarri ditugu hausnarketa zein galdera batzuk.

Guraso baten ikuspuntutik honelako kontu eta galderak pentsa genitzake:
Benetan kezkatzen gaitu neska-mutilek boteiloia egitea?. Eta zer egin dezakegu gurasook?. Konturatzen ahal gara nolako ondorioak izan ditzakeen honelako joerak?

Autotitateak egiten ote dute nahiko, edo egin beharko lukete gehiago?. Eta horrela izatekotan, zer?

Zeharo debekatu beharko litzateke boteiloia, edo toki konkretu batzuk jarri beharko lirateke hirietan (batzuetan dauden bezala) horretarako?

Kontsumo mota hau debakatuz gero, berdin egin beharko genuke terrazetako edo ohiko txikiteoarekin?

Bestalde, zer erantzun emango liekete gazteek galdera hauei? Nolako hausnarketak izango lituzkete?

Agian gogoratuko ligukete tabernetan kontsumitzeko lain dirurik ez dutela, etabar.Era berean, galde litezke zer gogaitzen digun nagusioi boteiloiaren kontuaz. Edateak? Mozkortu, zarata batean ibili eta dena hankaz gora usteak, edo…?

Agian aurpegiratuko ligukete gure jarrera ez dela eredugarriena txokoan gaudenean, edo tabernarik taberna txikiteatzen gabiltzanean, besteak beste. Umetatik ikusi duten ohiko jarrera familikoia izanik, kontuan hartu beharko genukeela eskontzetako ospakizunak ere nolakoak ohi diren. Hau da: gurasooi leporatuko ligukete beraien kontsumo mota horren “ikasgaiaren” errua. Ez ala?

Dena dela, ondo dago batzuen eta besteen balizko ikuspuak islatzea hemen, baina al gaituzu zurea nolakoa den? Zein da bada boteiloiari buruz duzun iritzia?

IA EZEZAGUNA DEN AITA

6 urte nituen nire aitarekin goizetan futbolera jolastera, bizikletaz ibiltzera, erosketak egitera…joaten nintzenean. Hauek dira nire aitarengan ditudan ggorapen gutxiak. 8 urte bete nituenean, nire gurasoak banandu egin ziren eta nire amarekin eta nire ahizpa Soniarekin bizitzen geratu nintzen.

Momentu honetatik aurrera, nire aita bere amaren etxera bizitzera joan zen eta jarrera arraroa izaten hasi zen eta, batez ere, bortitza. Banantzearen ondorengo egunetan eta egoera berria ez asimilatzean, etxean agertu zen bat-batean eta nire amari diru-zorroa hartzea erabaki zuen. Diru pixka bat zeukala ohartaraztean, ama iraintzen hasi zen diru hori nondik atera zuen galdetuz. Azkenean, zaplasteko bat eman zion, ama lurrera jausiz. Gertaera honen ondoren, beste egun batean etxera ailegatzerakoan, nire ohean eserita zigarro bat erretzen aurkitu genuen.Oraindik gogoratzen dut hartu genuen ezustekoa! Nire ama oihukatzen hasi zen nire aita etxetik atera zen arte. Beldurra genuen….Azkenean, sarraila aldatzea erabaki genuen eta inoiz gehiago sartu zen etxera baimenik gabe.

Esan beharra daukat nire ama ez duela inoiz oztopatu gure aitarekiko erlazioa. Hasiera batean, momentuak partekatzen genituen berarekin eta, ondoren, bere bikote berriarekin eta euren artean izandako semearekin, nire neba Aitor. Ez dakit bere bizitza berreraiki zuelako edo, baina gero eta gutxiago egoten ginen berarekin.

Asunto legalentzako paperak behar zituenean bakarrik deitzen zigun momentua ailegatu zen. Gainera, pentsioa jadanik ez zigun ematen. Ez zigun jaramonik egiten.

Gaur egun oraindik, nire ahizpa Sonia eta ni zer egin genuen gaizki pentsatzen dugu, gurekin jolasten eta bizikletaz ibiltzen zuen pertsona horrek jadanik gu baztertzeko, beste pertsona batekin familia “berri” bat osatuz, gu existitzen ez bagina moduan.

Zorte ona izan dut daukadan ama eta amama-aitite zoragarriekin, beti egon baitira nire alboan ni zaintzen horrexegatik, inoiz ezer faltan izan dut, baina kulpabilitate eta inpotentzia sentimendu horiek ez ziren desagertu gauzak beste ikuspegi batetik ikusten hasi nintzen arte, batzuetan, profesionalen laguntzarekin eta beste batzuetan, nirekin bakarrik.

Honegatik zuei idazten erabaki dut. Istorio honekin identifikaturik sentitzen bazarete, errudun ez zaretela sentitu behar esan nahi dizuet eta niri, pertsonalki, nire aitarekiko sentimenduak partekatzea asko lagundu nau, ni ume bat soilik nintzela eta egoera eta ingurua dena korapilatu eta zaildu egin zuela ulertzeko.

Zerbitzuan izan genuen nerabe baten istorioa da hau, fikziozko izenekin. ZEUK ESAN-etik zuen ardurak, sentimenduak, istorioak…gurekin partekatzen animatzen zaituztegu, azken finean, hau dena aska zaitezkeen pisu bat da bestekin hitz eginez.

Melendiren abesti baten ondorioz….

Orain dela egun batzuk, Bizkaiko neska baten mezua jaso genuen blog honetan hurrengokoa argitaratzeko eskatuz, denok irakur dezazuen eta laguntza eskaintzen duela sentitzeko.

Kaixo neskak, Nekane naiz, istorio txiki bat kontatu nahi nizueke, beldurrezkoa, baina amaiera zoriontsu batekin….Istorio bat, niretzako, hitz egitea debekaturik dagoen gai bati buruzkoa da….

Orain dela hilabete batzuk, nire lagun mina eta ni pipak jaten ditugun enparantzan geunden, youtube-an Melendi entzuten, izugarri gustatzen zaigu….

Erreprodukzio zerrendan, “La tortura de Lyss” izeneko abestia agertu zen, aita baten bere alabarenganako abusu sexualei buruz hitz egiten duena, oso gogorra da…Ni, momentuan, piztu nintzen eta bere alabaren lañotasuna lapurtu duen aita honen aurkako mezuak botatzen hasi nintzen.

Nire bakarrizketan murgildurik, nire laguna mutu geratu zen baina ez ninduen harritu, astakirten hutsa bainaiz….Baina bat-batean negarrez hasi zen eta ahal izan zuen moduan hurrengokoa esan zidan: “Zuregan konfiantza izugarria daukat, inoiz kontatuko duzula espero dut, bestela….” Eta, momentu horretan, ezusteko berria bota zuen! Nire lagunari buruz dena nekiela pentsatzen nuen, baina ez zen horrela, besarkada izugarria eman nion, mutu geratu nintzen….

Nire laguna eta bere ahizpak bere aitarengandik abusu sexualak sufritu zituzten; egoera, zorionez, ahizpa txikiaren berrikuste batean antzeman zen.Horregatik, euren aitite-amamarekin bizi ziren. Gaur egun, jadanik nagusia da eta psikologoak bizi izan duen guztia berreraikitzen lagundu dio, daukan zauria pixkanaka sendatzeko. Orain, indartsuago sentitzen da nahiz eta ezin ahaztu….

Hortik aurrera, nire laguna laguntzeko denetarik irakurri nuen, gidaliburu bat bilatzen nengoen baina ez da existitzen, bai, ordea, lagundu diezaioketen hainbat profesional….Nik ezin diot ahazten lagundu. Berak esan dit hobeto sentitzen dela kontatu zidan unetik, konfiantzazko pertsonekin sekretua partekatu zuen unetik…Ez dakizue nola lasaitzen nauen hori entzutea!

Imajinatzen nituen baino kasu gehiago daude, %20ko pertsonek abusuak pairatzen dituzte haurtzaroan, zoritxarrez, oso zailak izaten direnak antzematen eta oharkabean mantentzen dira, familia barnean izaten baitira. Sarritan, gainera, amak abusuei buruz kontzienteak izaten dira baina ez dute salatzen, nire lagunaren kasuan bezala. Umeek ez dute abusu hauek saihesteko gaitasuna, nagusiengandik bortxatuta izaten baitira eta inolako babesik gabe…

Hau irakurri ondoren, ZEUK ESAN-etik ISILTASUNA ALDE BATERA uztera eta 116.111 telefonora dei dezazuen gonbidatzen zaituztegu, honelako egoera batean aurkitzen den pertsonaren bat ezagutzekotan, laguntza eskaintzeko. Abusuak sufritu badituzu ez gorde zurekin, kontatzea lehenengo pausua da, zaila da baina jende pilo dago zu ulertzeko prest eta lagunduko zaituena, ez eduki beldurrik, BAKARRIK EZ ZAUDE ETA! Animo pilo eta indarra gure partetik!

MAITE NAU, EZ NAU MAITE, MAITE NAU, EZ NAU MAITE, MAITE NAU, EZ NAU MAITE… EZ NAU MAITE!!!!!

Me quiere, no me quiere- Maite nau, ez nau maite

(Neskaren pentsamenduak)
Txarto tratatzen nau baina maite dut
Bera aldatzeko gai naiz
Nik maitasunagatik edozer jasan dezaket, edozein sufrimendu
Oso jeloskorra da maite nauelako
Erlazio txarra daukagu, baina maite gara

(Mutilaren pentsamenduak)
Maite banauzu egiten duzun guztia konta behar didazu
Maite banau dena kontatuko litzaidake
Ez dut nahi zure laguna Anerekin hitz egin dezazun
Zure mugikorra erakutsi, maite banauzu dena irakurtzen utziko zenidake
Zure iragana ezagutzeko beharra daukat lasai egoteko
Utzi leku horretara joaten maite banauzu

(Gurasoen pentsamenduak)
Bere lagunak galdu ditu
Euren erlazioa gorabeheraz beterik dago, egun on bat, bost gaizki.
Ez doa kalera berarekin ez bada

Etxera behin eta berriz deitzen ari da, batzuetan, 5 aldiz jarraian
Gure alaba aldatzen saiatzen ari da, berak bere burua gustukoa ez duela adierazten du
A zer nolako kontrolatzailea

(Guztion pentsamenduetan)
BIKTIMA IZATEARI UTZIOZU BIZIRIK IRAUTEKO!!!

Foto: Natoosha

Agur Markel!! Ez zaitugu ahaztuko!!!

Markel ikastetxea utzi duen lehen hezkuntzako 6. mailako mutiko bat da eta, ikaskide eta irakasleei agur esateko, despedida olerki polit hau idatzi du bertso moduan, ikastetxe berrirantz hegan irten baino lehen.

Besterik gabe, ESKERRIK ASKO!!!

Kaixo denoi!!!

Urria naiz idazten
eta isila pertsonekin,
bara oraingoan hasi naiz sentitzen
Gauzak esan nahi dizkizuedala zuei.

Eskertzen dizuet zuen laguntza, lankidetza eta hainbeste behar dudan ulermena
baina nahi dut jakin dezazuen ikasitako guztia eramango dudala mugagabean

Ez naiz ia inoren laguna,
baina denona izan nahi nuke,
eta otoitz honetan espero dut
zuen belarriak gortuta ez egotea.

Ez zaituzte aspertu nahi banan-banan joanda, amaiezina litzateke eta…
eta mahi dut inor ez dudala ahaztuko zuek jakitea.

Koordinatzaileak, irakasleak, begiraleak, mantentze lanetakoak, jangelakoak…
Beti nire ondoan izan zirenak, ez dut hitzik eman didaten guztia adierazteko.

Laguntza gelako neskez onenak esatea besterik ez,
Ingelesa? Hor ez nabil ibili trebe…
baina… hainbeste lagundu didate
Ia-ia… beldurrek zorabiatu naute.
Eurekin ikasitako guztia neure disko gogor berezian gorde dut,
eta behar dudan edozein egoeratan,
nigatik egin zenuten on guztia erakutsiko dut.

Ez dakit malkorik isuriko dudan,
hobeto utziko dut beste baterako beharbada,
halere esan nahi dizuet ez dudala barkamena eskatzeko eragozpenik
sermoiren batekin edo bestekin hanka sartu badut nik.

Oroitzapen politak ditut gordeko
eta txarrak???… ahaztea hobeto,
denborarekin espero dudalako
dena dela sendatuko.

Gurasoek erabaki dute
institutu batera eramatea…
… faltan botako zaituztet…
nahiz eta… zuek ahaztu gabe, saiatuko nahia bilatzen ordezkoak.

Eskerrik asko, besterik ez…
honela nahi dut adierazi
zuek, zin degizuet,
ahantzi ezingo zaituztet.
Maitasun handiz!!!

Markel 6.B

ALABAREN GUTUNA BANANDUTAKO GURASOEI

Kaixo aita eta ama,

Min dut bihotzean, eta gaitz hau ez da egiten dizkidazuen opari handiekin sendatzen, ez ditut behar. Zuek elkarrekin egotea baino ez dut behar, baina badakit hori ezinezkoa dena. Beraz, eskari batzuk egingo dizkizuet; betetzen badituzue, uste dut askoz hobeto sentituko naizela: Ez duzue esaten niretzat onena nahi duzuela? Tira ba, hemen doaz:

Zuek banaketaren erruduna ez naizela esatea behar dut. Nik zuetako bakoitza onena bazinete bezala ikusten zaituztet. Eta horregatik pentsatzen dut familia honetan huts egin duen bakarra ni izan behar naizela.
Berdin-berdin behar eta maite zaituztet biak, ez jarri ni bietako baten alde egin behar izateko tenorean. Ez da bidezkoa.
Ez jarri ni epaile moduan, eta ez erabili mezulari gisa. Ni erabiltzen ari zaretela sentitzen dut, eta konponezina dela diozuen zerbait konpontzearen arduraduna naizela ematen du.
Nahikoa da nire aurrean elkar kritikatzearekin. Ez zarete bikotea, baina bai nire gurasoak, bizitza osorako. (hau aitona-amonei ere eskatu behar diet).
Batzuetan haserre etortzen naiz zuetako norbaitekin bisitan egon eta gero, eta orduan bestea ni pozoitzen ari dela pentsatzen duzue. Eta eeez da horrela! Kontua da amorratuta eta haserre nagoela beti eta beti elkarrekin biziko ginela uste nuelako.
Nigatik egin dezakezuen onena –dagoeneko elkar maite ez duzuelarik– elkar errespetatzea da.

Bananduta ere bietako inork ez nauela abandonatuko jakitea, behar dut.

Maite zaituet

Alaba

Nire Mendetasun Ezezaguna…

Orain dela hilabete batzuk Igorrek (alegiazko izena) Zeuk Esan telefonora ditu zuen, Haurtzaro eta Nerabezaroaren Arreta Telefonora; 17 urteko gipuzkoarra da, eta esan zigun lehendabiziko gauza zera izan zen: “Neskalagunak utzi egin nau, ez daukat konfiantzazko lagunik, eta eguna amarekin sesioan igarotzen dut, nire bizitza kakatzarra da…”.

Nolatan uzten du hain mezu negatiboa adin horretako gazte batek telefonoa hartu eta berehala? Igor bere historia kontatzen hasi zen…

Naroarekin, neskalagunarekin, orain dela bi urte ibiltzen hasi zela esan zigun. Dioenez, neskak utzi egin du bera asko aldatu delako, eta egun osoa haserre egotea leporatzen omen zion, eta Igor gezurretan ari zela sentitzen zuelako eta ikastetxean baino ikusten
ez zuelako, eskolara joaten zen egunetan… Igorrek aitortzen du Naroak arrazoi pittin bat bazuela…

Kontatutakoa entzunda, gezurretan eta neskalagunari denbora gutxiago eskaintzen zergatik ibiltzen zen galdetu genion, bere izaera zergatik aldatu zen eta zergatik ez zen eskoletara joaten…

Mutilak aitortu zuen lagunek beraz paso egiten dutela, irteten direla eta eta ez diotela deitzen eta, baten batek, nonbait, haserre egoteko motiboak bazituela, diru dezente eskatu eta oraindik ezin izan ziolako itzuli… Igorrek, triste, aitortu zuen orain bi lagunekin baino ez duela hitz egiten Whatsapp bidez.

Berriro ere galdetu genuen ea bere ustez betiko koadrilak zergatik ematen zion bizkarra eta ea zer zen zorretan “diru dezente” izate hori… Finean, nerabe honek erantzunak ematea behar genuen eta, ondorioz, bere buruari ere erantzutea.

“Nire Mendetasun Ezezaguna…” irakurtzen jarraitu

Norekin fida naiteke? (Ainara, 15 urte)

Lehengo egunean kezkati hurbildu zitzaidan ama, sermoia botatzeko aurpegiarekin edo. Eta baita bota ere!!!. Nire lagun Sonia ikusi omen zuen erretzen eta…

A zelako hitzaldia eman zidan; “…ez ezazu erre, menpekotasun handia sortzen duen droga da, eta baita kaltegarrienetarikoa ere. Ni neu hasi nintzenean ez nekien zertan zebilen, baina zuek nahi duzuen informazio guztia duzue eta…Asko kostatzen da uztea, behin hasitakoan, eta ez dute denak lortzen …” , etabar luzea.

Eraberean, ziurtatu zidan ez zietela ezer aipatuko Sonien gurasoei, baina neskatoarekin bai izan zuela hizketalditxo bat. Horrelakoxea da nire ama; nire lagunari sermoia botatzeko gai da, baina ez da mihiluze bat.

Ulertzen diot. Berak erretzeari uko egin zion haurdun geratu zenean: “txarra da erretzailearentzat, baina baita inguruan daudenentzat ere, eta erabat kaltegarria umekientzat, oztopatu egiten baitu beraien garapen egokia eta baita ondorio latzat sortu ere osasunean -esaten zidan-

Hau da; amak intentzio onak ditu, eta agian horregatik pena handiago eman zidan esan nionean nire lagun Soniari bere amak erosten ziola tabakoa, aitaren bizkarretik.

Egia esan, ez zait batere arraro egiten jendeak hain arrikara handiakin irtetzeak, zeren guraso batzuei karneta kendu beharko liokete edo, bestela, trebakuntza azterketa bat egin.

Nire anaiak esaten dit horrelako gurasoak ikusita, gureak aldareetara igotzeko moduan gaudela, nahiz eta egun guztia matraka ematen pasatzen duten. Asken finean kotsekuenteak dira, eta fida gaitezke beraiengan. Nire amak, aita engainatzen badu, norekin fida naiteke bada?

Ez ditut agurrak batere gogoko (Gontzal, 16 urte)

“Orain dela hilabete eskas egin nuen idatzi batetan, agurrak ez zitzaidala batere gustatzen esaten nuen; eta aipamen hori egin nuen Inglaterrara joan eta familiagandik agurtu behar nintzelako. Ez denbora askorako (hilabetea eskas), baina pena ematen zidan bakarrik joan beharrak beste herrialde batera, beste familia batekin bizitzera, eta hainbat herrialdeetako ezezagun jende mordoarekin egunero bizi, ingelesez mintzatu, etabar; hau da: ikara piskat ematen zidala abentura horrek.

Joan nintzen. egon, eta baita pila bat ikasi ere. Lagun oso onak egin nituen, eta nire baitan isilpean zegoen alde bat ezagutu ere. Irekiago sentitzen nintzen eta barne loturak aske. Gaur egun, argi daukat munduan zehar zeharo ibiliko naizela!!

Ingelesa praktikatu nuen, bai,baina praktikarik onena jente desberdina ezagutzea izan zen. Lehenengo hiru egunak zerbait lotuak izan nituen, baina gero oso ondo pasatu nuen; hain ondo!!! Orain faltan botatzen dut guzti hura,eta batez ere lagunak!! Nork ezango zidan?

Ez da egunik haiekin ez naizena gogoratzen…Mark, Susanne, Shu Wo edo Vicky-rein…denekin. Faltan botatzen ditut, eta pena ematen dit zeren seguraski ez dugu sekula gehiago elkar ikusiko.Bidegabekoa iruditzen zait…eta ez litzateke horrela izan behar. Hain hurbil bizi izan ostean, agurtu beharra. Horrela dira kontuak…”

—o—

Kudeatzaileen oharra: Gontzal ezizena da. Administradoreok, guk geuk, aukeratu dugun izena, hain zuzen ere, idatzi egin duen 16 urteko gaztearen identitatea babesteko asmoz.

Gaur osteko pirula

Egon, badaude ondorengo eguneko pirulaz kezkati deitzen digutenak! Denetarikoak daude, hau da: hartu orduko deitzen digutenak, harremanak izan ostean deitzen dutenak edo , nahi arinago nahi geroago kezkatzen ez direnak. Dena dela, batzuentzako zein besteentzako, lerro hauek baliogarriak zian daitezke.

“Kontuz ibili zaitezke distxosozko piruja horrekin”, ez baita umeen jolasa. ANTISORGAILU HORMONALA da, eta sendagileak eman diezazueke, baina ez da abusatu behar. Barrial baterako da eta ohiko antisorgailu bezala ez da hartu behar.

Gauza gehiago: Ez zaitu babestuko IHES-ren (SIDA, gaztelaniaz) aurka, ez eta sexu harrenanen bidez kutsatzen diren gaixoez ere. Era honetako gaixoak, HIESa bera edota haurdunaldiak ekiditzen dituen antisorgailu bakarra, kondoia da.

Koitoaz bukatzen diren sexu-harremanetarako prestatuak egon behar gara, eta horretarako antosorgailuren bat edo beste erabiltzea ezinbestekoa dugu. Agian, egokien datorkiguna, kontuan izanik gure ezaugarria pertsonalak, adina, maiztasuna, sexu-harreman mota, besteak beste. Eta metodo antisorgailu egokiena aukeratzeko, ginekologoarengana joan behar gara.

Ez dakit gogoratzen bazaizue zerbait gehiago. Ezer esateko baduzue, idatzi lasai komentarioetan. Gero arte.